ශ්‍රී ලංකා මානව හිමිකම් කොමිසමේ නිලධාරීන් මහර බන්ධනාගාරය තුළට ඇතුල්වූ බව එම කොමිසමේ ජ්‍යේෂ්ඨ නිලධාරියෙක් තහවුරු කළා.
අද (30) උදෑසන අදාළ ස්ථානයට ගිය කොමිසමේ කොමසාරිස් රමණි මුත්තෙට්ටුවේගම ඇතුළු පිරිසට බන්ධනාගාර පරිශ්‍රයට ඇතුළු වී තිබුණේ ඇතිවූ තත්වය පිළිබඳව විමසීමට යි. එහිදී රැඳවියන්ගෙන් තමන්ට කිසිඳු ගැටලුවක් ඇති නොවූ බවත්, එහෙත් බන්ධනාගාරය තුළ සියලු ස්ථානවලට යෑමට කොමිසමේ නිලධාරීන්ට යාමට නොහැකි වූ බවත් පැවසෙනවා. ඒ තත්වය මුළුමනින්ම පාලනය කර නොතිබූ නිසා බවයි ඉහත නිලධරිවරයා පවසන්නේ. බන්ධනාගාරය තුළට ඇතුල් වීමෙන් පසු කොමිසමේ නිලධාරීන් පැමිණ සිටින බවත්, තත්ත්වය පාලනය කිරීමට සහයෝගය ලබාදෙන ලෙසත් කොමසාරිස්වරිය ශබ්ද විකාශන යන්ත්‍ර ආධාරයෙන් රැඳවියන්ගෙන් ඉල්ලා තිබෙනවා.
0 comments:
Post a Comment